اتصل بنا
إزاي تبقي Super Junior في الـ HR

إزاي تبقي Super Junior في الـ HR

خلينا مبدئياَ نتفق أن عدد كبير – من الخريجين – بيحاول يشتغل في الـ Human resources بشكل عام وفي طموحهم يكونوا في يوم من الأيام  Super Junior في المجال و ده طبيعى بالمناسبة ، مركز حلو و مرتب أحلي  دخولك المجال مش حاجة صعبة، أى حد دلوقتى بشوية مجهود هيقدر يشوف هو عايز يشتغل إيه وهيذاكر شوية و هيشتغل، الصعب انك تطور من نفسك علشان تحسن المسار الوظيفى بتاعك لو عاوز تـ Develop الـ Career Path  بتاعك وتبقى Super Junior في الـ HR. اشتغل على الكام نصيحة دول :

➊ حل مشاكلك:

 

خليك صاحب قرار لو قابلك اى مشكلة فى الشغل انشف كده و متروحش لمديرك وتقوله فى كذا ومش عارف أعمل إيه، أو حتى تروح وأنت عندك حل بس متردد ، خليه يحس أنك واحد بيشتغل فعلا ويقدر يعتمد عليه فى الشغل مش واحد لازم يتابعه فى حاجة بيعملها حل المشكلة وروح قوله كان فى مشكلة كذا وأنا حلتها ، هتفرق كتير جدا فى نظرته ليك .
➋  متفوتش يوم متقرأش فيه:
مينفعش يوم يعدي عليك فى شغلك من غير ما تقرأ حاجة فى المجال بتاعك، متخليش حد يقولك الجديد فى مجالك، علشان طول ما أنت Updated بكل حاجة جديدة حتكون في دائرة الضوء و الناس تكون حطاك فى دماغها أنك الشخص اللى دايما عارف الجديد و بيقولهم عليه ، وساعتها هتلاقى نفسك الشخص اللى دايما بيسألوه عن أى حاجة، وممكن أكتر من مدير القسم نفسه.

➌التجمعات لابد منها:

أى تجمع للناس اللى شغالة فى مجالك هو حدث لا يجوز تفويته بأى شكل من الأشكال ، سواء كان مؤتمر كبير، أو Event للناس اللى بتشتغل فى الـ HR، متفوتش حاجة زى دى، هتلاقى ناس تقيلة هتستفيد منها كخبرة وكـدائرة معارف حينفعوك قدام.

➍  خلى عندك وجهة نظر:

 

لو فيه قرار اللى بيتاخد كن صاحب رؤية ووجهة نظر فيما يجري من حولك ، حتى لو هتعارض مديرك،أو حتى القسم كله، أهم حاجة يكون كلامك مبني على وجهة نظر منطقية مش مجرد سفسطة .
فكرة وجود وجهة نظر ليك بيخلى الناس ياخدوا رأيك حتى لو مختلفين معاك، لانهم بيكونوا عارفين أنك بتبص للحاجة من زاوية هما مش شايفينها، وعارفين أنهم هيستفيدوا من رأيك بطريقة أو بأخرى.

➎ دور على Coach:

 

شوف حد تقيل فى المجال وخليه الـ Coach  بتاعك اتعلم منه ، ممكن يكون مديرك فى الشغل، حد أقدم منك وشايفه مميز جدا و هيفيدك فعلا، حد قابلته فى Events من اللي بتحضرها.
اتعرف عليه واقعد معاه فهمه أنت خطتك فى مجالك عاملة إزاي، وخليه يقولك رأيه، واستشيره فى الخطوات اللى بتعملها فى مجال عملك  و شوف هيقولك إيه، الخبرة عليها عامل كبير جدا فى شغلنا.

تقدر دلوقتى تقدم فى دبلومة الموارد البشرية المقدمة من ‎EgyCham  عشان تقدر تكون Super junior فى الـ HR