اتصل بنا
حضرتك HR طيب لازمتك إيه

حضرتك HR طيب لازمتك إيه

واحد من أكثر الأسئلة التي يتم توجيهها  لكل الناس المشتغلين بمجال الـ HR   

هو إيه لازمة الـ HR فى الشركة أصلا ؟

أصحاب الشركات يسألوا دائما هذا السؤال ، ويمكن ناس كتير مبتقدرش توصل مفهوم إن الـ HR هو اللى بيخلى الشركة كلها ماشية فى الطريق الصح، خلينا النهارده نتكلم عن 5 نقاط نوضح بيهم الموضوع.

1-يقوم بتعيين الشخص الصح :

صاحب الشغل مهما كان عنده خبرة هتكون خبرة فى شغله، ميعرفش إزاى يعين الشخص الصح، ممكن يكون الشخص المتقدم كويس بس صاحب الشغل شغّله فى مكان غلط، عشان كده التعيين مش بالبساطة اللى صاحب الشغل متخيلها.

2-بيتحكم فى الـ Turnover :

معنى الـ Turnover هو أن ناس كتير تمشى من الشغل، معدل الناس اللى بتمشى بيكون كبير، صاحب الشغل مبيكونش عنده الـ Knowledge بتاعة الـ HR اللى بتخليه عارف هو المفروض بيعمل إيه فى حاجة زى دى، أو يتعامل مع الموقف ده إزاى.

3-بيطلع أحسن حاجة عند الناس :

الفرق بين صاحب الشغل و الـ HR  هو أن الأخير يعرف إزاى يخلى الناس تطلع أحسن ما عندها فى الشغل، الأتنين بيتفقوا فى أنهم بيحافظوا على البيزنس نفسه، لكن التكتيكات التي يستخدمها الـ HR هى اللى بتخلى الناس تطلع أحسن ما عندها.

4-ياما فى الحبس مظاليم :

شركات كتير بتقفل، وشركات تانية بيترفع عليها قضايا بسبب إن صاحب الشغل ميعرفش الإجراءات القانونية أو حاجات فى قانون العمل، الـ HR بيكون من شغله أنه يتابع الإجراءات القانونية للمكان.

5-تأهيل الناس :

ياترى خدمة العملاء عندنا كويسة ولا محتاجة تدريب؟ ولو محتاجة تدريب هيكون تدريب فى إيه بالظبط؟

الأسئلة دى اللى يعرف إجابتها ويفكر على نفس المستوى فى كل أقسام الشركة هو الـ HR لانه عارف أهمية انه بيرتقى بشغل الناس و يؤهلهم انهم يعملوا شغلهم بطريقة أحسن.

من وجهة نظرك، شايف إيه أهم حاجة بيعملها الـ HR ؟